Hkawng Lang Hpu ginra gasat gala majan byin nga

KIA Masat (7) Dap Ba, Hkawng Lang Hpu ginra hta gasat gala majan byin nga ai lam chye lu ai.

Gumshem Myen hpyen dap ni Hkawng Lang Hpu ginra de hpyen n-gun, laknak arung arai htaw jat bang ai lam, P.T.Ts pawng hpawm hpyen hpung ni hte hpyen shamu shamawt htu shadut nga ding yang re ai majaw, shani shagu ngu na KIA pawng hpawm hpyen hpung ni hte gasat gala majan byin nga ai re lam, shawnglam lit nga ai salang ni kaw na chye lu ai.

Hkawng Lang Hpu ginra, Shing Hkawng maga de mung, ndai laman gumshem Myen hpyen dap ni modo kaba hte hpyen n-gun, laknak arung arai htaw jat bang nga ai rai nna, dai ginra na mungshawa ni hpe mung malu masha hte laknak arung arai gun sa shangun ai lam atik anang galaw shangun nga ai hpe chye lu ai.

Hkawng Lang Hpu ginra gaw, ATang wa woi awn ai P.T.Ts ginra rai nna, June shata htum wa maga kawn, gumshem Myen hpyen dap ni hpyen n-gun hte laknak arung arai jat garum ya nna, hpyen shamu shamawt htu shadut ai lam ding yang galaw nga ai majaw, shani shagu ngu na gasat gala majan byin nga ai re lam chye lu ai.

Ndai zawn gasat gala majan byin nga ai majaw, dai ginra na mungshawa ni ya aten, tinang shimlum dum ai shara ni de hpyen hprawng koi yen nga ai re lam chye lu ai.