Awng Ja gumshem Myen hpyen dap hpe KIA, pawng hpawm hpyen hpung ni sa htim gasat zing la

KIO ginjaw ginra, Nam San Yang hpyen man, Lailum Awng Ja gumshem Myen hpyen dap hpe, September shata 16 ya jahpawt hkying 4:30am aten kaw nna, KIA pawng hpawm hpyen hpung ni sa htim gasat ai lam chye lu ai.

Dai hpawt hkying 8:00am aten daram hta gumshem Myen hpyen dap hpe gasat zing kau lu ai hpang, Myitkyina hte Tadar Oo maga na rawt wa ai Jet Fighter nbungli 3 hte majan byin nga ai makau grup-yin shara ni de numdaw 2 lang bawm wa jahkrat, gap gasat kau da ai nga nna, shawng lam na lit nga ai salang ni tsun ai kaw na chye lu ai.

Gumshem Myen hpyen ni nbungli hte bawm wa jahkrat bun ai hta Nam San Yang mare na mungshawa nta langai hten za mat ai lam chye lu ai.

Bumre, Hka Ya Bum kaw nga ai gumshem Myen hpyen dap ni mung, majan byin nga ai Nam San Yang hpyen man maga de laknak kaba ni hte ding yang ngu na gap bun nga ai.

Majan byin nga ai makau grup-yin shara ni hta rawng nga ai gumshem Myen hpyen hpyen ni hte KIA, pawng hpawm hpyen hpung ni numdaw 2 lang laja lana gasat poi byin ai rai nna, ya mung laknak kaba hte naw gap gasat hkat nga ai lam chye lu ai.

၎

င

၎

၎