Balaminhtin mahkrai shagyit hpe KIA ni htim gasat

KIA Masat (5) Dap Ba, Masat (3) Dap Dung ginra, Myitkyina Balaminhtin mahkrai shagyit hpe KIA ni htim gasat ai lam chye lu ai.

Myitkyina mare kaba de shang wa ai, Balaminhtin mahkrai shagyit kaw sin ai, gumshem Myen hpyen pawng hpawm hpung ni hpe KIA pawng hpawm hpyen hpung ni May shata praw 9 ya shana maga hkying 3:00pm aten daram hta htim gasat ai lam chye lu ai.

KIA pawng hpawm hpyen hpung ni htim gasat ai hta gumshem Myen hpyen pawng hpawm shagyit hpe wan nat jahten kau ya sai rai nna, lahkawng maga na hpyen masa gara hku naw rai nga ai hpe rai nchye lu shi ai.

Matut nna KIA Masat (1) Dap Ba, Masat (7) Dap Dung ginra, Sumpyi Yang makau na Hpungchyan gumshem Myen hpyen post hpe KIA ni dai pawt hkying 7:30am aten daram hta gasat zing madu la lu sai lam chye lu ai.