Gumshem Myen Balik dap hpe KIA ni sa htim gasat

Mungmyit Sinli Ga (Kachin Sub-State) KIA Masat (4) Dap Ba, Masat (34) Dap Dung ginra hta May shata 10 ya shana hkying 11:08pm aten kaw nna hkying 2:55pm aten du hkra, Muguk gumshem Myen Balik dap hpe KIA ni sa htim gap gasat ai lam chye lu ai.

Dai aten hta sha, Aye Seti, Thama Thu Hkyi Tha Hpunggyi jawng makau shara ni hta nga ai gumshem Myen hpyen dap Hk.L.Y (148) dap na hpyen n-gun (30) daram hpe KIA hpyen hpung ni sa htim gap gasat ai lam chye lu ai.

KIA Masat (9) Dap Ba, Masat (6) Dap Dung ginra hta mung, May shata praw 9 ya shana hkying 10:05pm aten hta gumshem Myen Balik modo 1 hpe Lung Sai Bum sa lam kaw, KIA hte KPDF pawng hpawm hpyen hpung ni bawm hte hkap shingla gasat dat ai lam nga ai.

Hkap shingla gasat ai kaw gumshem Myen Balik marai (5) jawn lawm ai hta marai 5 si hkala hkrum ai lam shawng lam shiga lawk kaw na chye lu ai.

Hpakant Maw Mau Layang, Lung Seng Company Hka nawng makau kaw mung, May shata praw 9 ya shana de hkying 6:00pm aten daram hta mungmasha marai (2) hpe gumshem Myen hpyen dap Dapnu (33) kata na hpyen hpung ni gap sat kau da ai lam, ginra masha ni kaw na chye lu ai.