Lung Ja Mare Udang Bum maga de, gumshem Myen hpyen ni laknak kaba gap bun

KIA Masat (3) Dap Ba, Masat (15) Dap Dung ginra, Lung Ja Mare Udang Bum maga de, October shata 28 ya jahpawt hkying 9:30am aten kaw nna, hkying 9:50am aten du hkra, gumshem Myen hpyen ni laknak kaba gap bun nga ai lam chye lu ai.

Lung Ja Mare gawkngu kawng kaw shara la nga ai, gumshem Myen hpung hte Hk.M.Y (437) dap ni kawn Lung Ja Mare Udang Bum maga de, laknak kaba 81mm,105mm ni hte gap bun ai re lam, ginra shi sawk ni kaw na chye lu ai.

Gumshem Myen hpyen ni ya aten hta hka lam hku nna, hpyen n gun laknak machyu pala hte malu masha htaw shalai nga ding yang re hte dai ni hpe shalai la na matu, nbungli hku nna mung lagaw lam hku nna mung shimlam la ya nga ai lam chye lu ai.

KIA ni shara la nga ai, Lung Ja Bum mayan de ndai October shata 22 ya shani kaw nna, gumshem Myen hpyen dap ni htu shadut htim gasat shang wa ai hta hpyen gasat nbungli ni mung jai lang nga ai re.

Myitkyina, Hpakant lam ding yang, lai wa lai sa mungshawa modo cycle ni hpe gumshem Myen hpyen la hte Balik ni laja lana sawk jep nga ai lam na chye lu ai.