KIA Masat (9) Dap Dung ginra hta gasat gala majan matut byin

Mungmyit Sinli Ga (Kachin Sub-state), KIA Masat (6) Dap Ba, Masat (9) Dap Dung ginra, Bak Noi Bum mayan hta mung, August shata 30 ya shani hta gumshem Myen hpyen dap hte KIA ni gasat poi matut byin ai lam chye lu ai.

KIA ni shara la nga ai Bak Noi Bum mayan de, gumshem Myen hpyen dap, Dapnu (99) hte Pyi Tu Tsit pawng hpawm hpyen n-gun 50 daram shamu shamawt htu lung wa ai majaw, August shata 28 ya shani kaw nna, masum ya tup gasat poi byin nga sai re.

Gasat poi byin ai Bak Noi Bum maga de, Namhpakka kaw dap jung nga ai gumshem Myen hpyen dap Hk.L.Y (123) dap hte Muse Mile 105 kaw nna, laknak kaba gap shadam bun ai lam chye lu ai.

Namhpakka mare de TNLA hpyen hpung ni shamu shamawt shang wa nna, August shata 29 ya shani hta gumshem Myen hpyen Hk.L.Y (123) dap ni sinat kaba hkrup mara gap shadam dat ai majaw, Namhpakka mare na Miwa sasana sara nta kaw pala si langai wa hkrat kapaw ai raitim, masha hta hkra hkala ai lam gaw nnga ai hpe chye lu ai.

TNLA hpyen hpung ni, August shata 30 ya shani hta Hk.L.Y (123) hpyen dap hpe sa gap shala dat ai hpang, gumshem Myen hpyen ni mare de, sinat kaba hkrup mara gap shadam dat ai majaw, mungshawa La marai lahkawng hte Num langai pala hkyep hkra hkala nna, ya aten Namhpakka tsi rung kaw tsi tsi hkamla nga ai lam, ginra masha ni kaw na chye lu ai.

August shata 28 ya shani hta mung, Nam Um mare kaw TNLA ni hkawnkang hta nga ai ten, Mungbaw Hka mahkrai kaw sin ai gumshem Myen hpyen ni, Nam Um mare de sinat kaba gap shadam dat ai majaw, mungmasha langai hkala hkrum ai lam mung nga sai re hpe chye lu ai.

၎

င

၎

၎

၎

င

၎

၎

၎

င

၎

၎

၎

င

၎

၎