Salang Lashi Awng hpe Myen hpyen hpung ni lam madun na matu rim woi mat nna bai dat ya

KIA Dap Ba ( 2 ), Dap Dung ( 6 ) ginra, Dum Bung mare kaw du nga ai Myen hpyen n-gun ( 80 ) daram gaw July 16 ya jahpawt hkying 6:30am aten hta mare komiti ningbaw Slg. Lashi Awng hpe lam madun na matu rim woi mat nna, shapyi ( 2 ) lang mung, bye ya ai lam na chye lu ai.

Myen hpyen ni gaw salang wa hpe manghkang n byin hkra lam madun ra ai ngu nna, Ting Rat hka hte , Loi Li hka mayan hku woi garet hkawm nhtawm, shana de hkying 3:50pm aten hta bai dat ya sai lam, buga masha ni tsun dan kawn chye lu ai.