Gumshem Myen hpyen dap hte KIA ni gasat gala majan matut byin

Ginjaw ginra, Madi Yang hpyen man kaw shamu shamawt rawng nga ai gumshem Myen hpyen hpung ni sinat gap shangoi ai maga de, September shata praw 4 ya shani ka-ang hkying 12:20pm aten daram hta KIA ni sinat kaba, Drone ni hte gap bun ai lam chye lu ai.

Dai na hkying 8:25pm aten kaw nna, Madi Yang hte Nam San Yang hpyen man kaw rawng nga ai gumshem Myen hpyen hpung ni hte KIA ni gasat poi byin ai. Bumre, Hka Ya Bum kaw nga ai gumshem Myen hpyen dap ni gasat poi byin ai maga de sinat kaba gap bun nga ai lam, shawng lam na lit nga ai salang ni kaw na chye lu ai.

Mungmyit Sinli Ga (Kachin Sub-State), KIA Masat (6) Dap Ba, Masat (9) Dap Dung ginra hta mung, September shata praw 4 ya jahpawt hkying 7:30am aten kaw nna, gumshem Myen hpyen dap hte KIA ni Bak Noi Bum mayan hta gasat poi byin ai hta Namhpakka kaw nga ai gumshem Myen hpyen dap Hk.L.Y (123) dap ni mung, gasat poi byin ai maga de sinat kaba gap bun ai lam chye lu ai.