Manmaw Ginwang Jinghpaw Wunpawng Htunghking Manau shadung hpaw poi galaw sa wa na
Manmaw Ginwang Jinghpaw Wunpawng htunghking manau shadung hpaw poi lamang hpe November shata 24-25 ya shani hta galaw sa wa na lam chye lu ai.
Manmaw Ginwang, Manmaw muklung deng 2 lawk hta htunghking manau wang ngu nna, asuya ni kaw gran laika pa hte hkrak rai lu da ai shara kaw, galaw sa wa na re nga nna, commiti hta lawm ai, salang langai tsun ai.
Manau shadung hpaw poi hta ginwang shagu na ramma marai 200 hpe shata mi jau kaw na shaga n htawm, manau nau ai lam, manau shadung hte seng ai lam, htunghking ginru ginsa lam, laili laika hte seng ai lam, num wawn num la hte seng ai lam ni hpe sharin ya mat wa na re nga nna salang wa matut tsun ai.
N dai manau shadung hpe gaw 2019 ning kaw nna, galaw hpang wa ai rai n htawm, dai ning 2023 ning hta ngut kre la lu sai majaw, htunghking manau shadung hpaw poi hpe galaw sa wa na re lam chye lu ai.
Lai wa sai 2008 kaw nna, 2010 ning du hkra, Manmaw ginwang manau poi hpe shaning shagu galaw la lu sai rai nna, dai ning 2023 ning kaw kalang bai ya galaw shakre da sai htinghking manau shadung hpaw poi hpe galaw lu hkra hkyen lajang nga ai lam chye lu ai.
