Laiza Buga Hkalup Hpung Ramma ni maza hta ai lam galaw
Laiza buga hkalup hpung ramma komiti kaw nna, woi awn galaw ai Laiza Muklum kata maza hta ai lam hpe October shata praw 7 ya shani hta galaw ai.
Maza hta ai yaw shada lam hpe rammma Amu Madu rai nga ai Sara Zau Lat tsun ai hta “Tinang na makau grup-yin kaw buga na ramma ni lam shagu hta mai tsap ai, makau grup-yin san seng ai lam, hpaji lam hta mung anhte ramma ni mai shang tsap ai lam hpe htawng madun mayu ai, ndai maza hta ai lam gaw mai kaja ai magam bungli re hpe chye na shangun mayu ai re” nga nna tsun ai.
Maza hta ai lam gaw 24 lang na KBC ramma masat ninghtoi hpe shagrau ai hku nna galaw ai rai nhtawm, shang lawm ai ramma yawng marai 100 jan daram shang lawm ai nga nna sara matut tsun ai.
Dai ni maza hta ai lamang kaw shang lawm ai hta KBC nawku hpung na ramma ni sha n-ga, kaga nawku hpung na ramma nkau ni mung shang lawm ai. Ndai maza hta ai lam hpe shaning shagu galaw ai re hpe mung chye lu ai.
