Hugawng Danai, gumshem Myen hpyen dap Langai hpe KIA ni gasat zing madu la lu

KIA Masat (2) Dap Ba, Masat (14) Dap Dung ginra rai nga ai, Hugawng Danai, Daru mare kaw dap jung shara jahkrat nga ai, gumshem Myen hpyen dap hpe KIA ni gasat zing madu la lu ai lam chye lu ai.

November shata 15 ya shani hkying 12:00pm aten daram hta KIA ni gasat zing madu la lu sai rai nna, dai gumshem Myen hpyen dap ni gaw Hk.M.Y (347) dap kata na ni re lam chye lu ai.

Ya aten hta Ginjaw Ginra hpyen man ni hta gumshem Myen hpyen dap ni laknak kaba hkrup mara gap shadam bun nga dingyang rai nna, KIA hte gumshem Myen hpyen dap lapran, hpyen masa shaja hkat nga ding yang re majaw, gasat gala majan matut manoi byin wa mai ai lam chye lu ai.