Nam Hkyi gumshem Myen hpyen dap hpe KIA ni gasat zing la lu

KIA Masat 8 Dap Ba, Masat (35) Dap Dung hpyen hpung ni November shata (19) ya shani, Nam Hkyi gumshem Myen dap hpe gasat zing madu la lu ai lam chye lu ai.

Mu Nyin Ginwang, Maw Han mare lung seng maw kaw dap jung shara jahkrat nga ai, Nam Hkyi gumshem Myen hpyen dap hpe KIA ni sa htim gasat zing la lu ai lam lit nga ai salang langai tsun ai.

Dai gumshem Myen dap ni gaw, Nam Hkyi lung seng maw hpe yu reng jum tek nga ai ni re, November shata (18) ya shani kaw nna KIA ni sa htim gasat ai hta (19) ya shani gasat zing madu la lu sai lam chye lu ai.