Njang Yang kaw dap jung ai gumshem Myen hpyen dap dawm mat

Njang Yang kaw dap jung shara jahkrat nga ai, gumshem Myen hpyen dap hte Balik dap ni November shata 21 ya shani, Myitkyina de yawng dawm mat wa sai lam chye lu ai.

Dai gumshem Myen hpyen dap ni gaw, Njang Yang kaw dap jung nga ai Hk.L.Y (40) dap, Deng 16 kaw dap jung nga ai gumshem Myen hpyen dap hte Gwi Htau daru kaw dap jung shara jahkrat nga ai, gumshem Myen hpyen dap ni re lam, sagawn chye lu ai.

Ndai zawn gumshem Myen hpyen dap ni dawm mat ai lam gaw, hpa masing hte dawm yu mat wa ai re hpe matut sagawn nga dingyang re hte lai wa sai ten Njang Yang makau grup yin ni hta gasat gala majan laja lana byin lai wa sai re.