Nam Hkai gumshem Myen hpyen dap hpe KIA ni zing madu la lu

Mungmyit Sinli Ga (Kachin Sub-state) ginra, KIA Masat (4, 6, 10) Dap Ba kata na pawng hpawm hpyen hpung ni Nam Hkai hka kaw dap jung shara jahkrat nga ai, gumshem Myen hpyen dap hpe gasat zing madu la lu ai lam chye lu ai.

Kutkai hte Namhpaka lapran na Nam Hkai hka mahkrai kaw gate dung let, dap jung shara jahkrat nga ai, gumshem Myen hpyen dap hpe December shata 20 ya jahpawt hkying 8:00am aten daram hta KIA ni htim gasat zing madu la lu sai lam, shawng lam lit nga ai salang langai tsun ai.

Nam Hkai hka mahkrai gaw Myen mung hte Miwa mung lapran hpaga matut mahkrai lam kaba rai nna, gumshem Myen hpyen dap ni shaning na na dap jung shara jahkrat nga ai shara re lam chye lu ai.

Mungmyit Sinli ginra ni hta ya aten laja lana gasat gala majan ni byin nga ai rai nna, gumshem Myen hpyen dap ni kawn laknak kaba, nbungli ni hte mungshawa ni nga ai mare kata hkrup mara gap shadam bun nga ai re lam chye lu ai.