123 gumshem Myen hpyen dap hpe KIA pawng hpawm hpung ni matut htim gasat nga
Mungmyit Sinli Ga (Kachin Sub-state), KIA Masat (4) Dap Ba, Masat 8 Dap Dung ginra, Namhpaka kaw dap jung nga ai gumshem Myen hpyen dap Hk.L.Y (123) dap hpe KIA pawng hpawm hpung ni matut htim gasat nga ding yang re lam chye lu ai.
Lai wa sai 2023 ning December shata 29 ya shani kaw na KIA pawng hpawm hpung ni htim gasat nga ai hta 2024 ning January shata praw 3 ya jahpawt hkying 6:30am aten daram kaw na, kalang bai htim gasat nga ai lam, lit nga ai salang langai tsun ai.
Gasat gala majan byin nga ai ten, gumshem Myen hpyen dap ni Jet Fighter (1) hte bawm mali lang wa jahkrat bun kau da ai rai nna, hpyen masa mung shaja hkat nga ding yang re lam, salang wa matut tsun ai.
Matut nna KIA Masat (4) Dap Ba, Masat (34) Dap Dung hpyen hpung ni kaw nna, January shata praw (1) ya jahpawt hkying 8:50am aten daram hta Mu Bum hte Man Bau gumshem Myen hpyen dap hpe matut htim gasat zing madu la lu ai lam nga ai.
KIA Masat (1) Dap Ba, Masat (7) Dap Dung ginra hta mung, January shata praw 2 ya shani, gumshem Myen hpyen dap Hk.L.Y (46, 137) dap hte P.T.Ts pawng hpawng hpung ni nga ai, Hkrang Hti Dam post hpe KIA ni htim gasat nga ai hta gumshem Myen hpyen dap kaw na Y-12 nbungli hte bawm 10 lang wa jahkrat bun nhtawm, Jet Fighter hte mung bawm 3 lam wa jahkrat bun kau da ai lam nga ai hpe matut chye lu ai.
