Namhpaka Hk.L.Y (123) Dap hpe KIA ni padang dip zing la lu

Mungmyit Sinli Ga (Kachin Sub-state), KIA Masat (4) Dap Ba, Masat (8) Dap Dung ginra, Namhpakka kaw dap jung shara jahkrat nga ai, gumshem Myen hpyen dap Hk.L.Y (123) dap hpe, January shata 24 ya shana daw hkying 6:00pm aten hta KIA ni zep zi gasat zing la lu sai lam, lit nga ai salang ni kaw na chye lu ai.

Namhpaka gumshem Myen hpyen dap hpe lai was ai 2023 ning December shata 29 ya shani kaw nna, KIA Masat (4) Dap Ba, Masat (6) Dap Ba hte Masat (10) Dap Ba kata na pawng hpawm hpyen hpung ni htim gasat nga ai re.

Ndai gumshem Myen hpyen dap Hk.L.Y (123) a, makawp post ni hpe shawng gasat zing kau lu ai rai nna, madung hpyen dap hpe ninghtoi 27 ya hta she, zep zi padang dip gasat zing la lu ai lam chye lu ai.

Gasat poi hta gumshem Myen hpyen dap ni Jet Fighter hte Y-12 nbungli kaw nna, bawm wa jahkrat bun ai Jet nbungli langai hpe January shata 16 ya shani KIA ni gap jahkrat kau ya lu sai re.

Dai ni January shata 24 ya shani laja lana gasat poi byin ai hta mung, gumshem Myen hpyen dap ni, Jet Fighter hte Y-12 nbungli kaw nna, bawm matut wa jahkrat bun ai lam, ginra masha ni tsun ai kaw na chye lu ai.

၎

င

၎

၎