Je Hkam Myen dap hpe KIA ni htim gasat zing la lu
KIA Masat (3) Dap Ba, Masat (12) Dap Dung ginra, Je Hkam gumshem Myen hpyen dap hpe KIA ni htim gasat padang dip zing la lu sai lam chye lu ai.
Je Hkam gumshem Myen hpyen dap hpe KIA pawng hpawm hpyen hpung ni, February shata 15 ya shani kaw na htim gasat nga ai hta dai ni February shata 19 ya shani hkying 11:00am aten daram hta zep zi padang dip la lu sai lam, lit nga ai salang langai tsun ai.
February shata 15 ya shani kaw na KIA pawng hpawm hpyen hpung ni htim gasat nga ai rai nna, gasat gala majan byin nga ai ten gumshem Myen hpyen dap nbungli hte shani, shana bawm jahkrat bun ai majaw, Je Hkam mare mungshawa ni a dum nta ni hten za hkrum ai hte mare masha nkau hkala hkrum ai lam ni nga ai hpe chye lu ai.
Je Hkam gumshem Myen hpyen dap gaw dai ginra hta ahkyak dik ai Myen hpyen dap rai nna, Manmaw, Mabeing hte Mungmyit ginra ni hpe matut ai lam kaba ntsa na hpyen dap re hpe chye lu ai.
