Man Te mare mungshawa ni hpe gumshem Myen hpyen dap rim woi mat

KIA Masat (5) Dap Ba, Masat (19) Dap Dung ginra, Man Te mare na mungshawa ni hpe gumshem Myen hpyen dap ni, rim woi mat wa ai lam chye lu ai.

February shata 22 ya shani Man Te mare kaw hpyen shamu shamawt nga ai, gumshem Myen hpyen dap ni mungshawa mara (24) hpe rim woi mat wa ai lam, ginra masha ni kaw na chye lu ai.

1. Shd. Jawn Lau (asat 20 ning), 2. Slg. Lau Len (asak 55 ning), 3. Shd. Lau Yawt (asak 14 ning), 4. Slg. Lau Hpu (asak 35 ning), 5. Shd. Mawng Chyawn (asak 14 ning), 6. Shd. Lau Sai (asak 14 ning), 7. Shd. Lau Mawng (asak 14 ning), 8. Shy. Pan Hkye (asak 13 ning), 9. Jan. Hkyin Shwoi (asak 45 ning), 10. Jan. Hkam Sun (asak 30 ning), 11. Slg. Aye Chyaing (asak 50 ning), 12. Slg. Mawng Hkwi (asak 35 ning), 13. Jan. Ma Hpyu (asak 40 ning), 14. Jan. Ma Tu Tu (asak 36 ning), 15. Shd. Aka (asak 22 ning), 16. Slg. Lau Tu (asak 43 ning), 17. Shy. Mwi Yi (asak 15 ning), 18. Shy. Aye Hkawn (asak 17 ning), 19. Nying Chyan mare na, Slg. Woi Shwi (asak 45 ning), 20. Ta Zi mare na Slg. San Awng (asak 42 ning) hte 21. Slg. Chu Naing U ni hpe rim woi mat wa ai lam, ginra masha matut tsun ai.

Matut nna asak (5) ning npu na ma marai (3) hpe mung, rim woi mat wa ai rai nna, Num ni hte ma ni hpe gaw bai dat ya sai raitim, ngam ai ni hpe n dat ya shi ai lam matut chye lu ai.

Ya aten gumshem Myen hpyen dap ni gaw hpyen masa, mung masa lam amyu myu hta hkrat sum nga sai majaw, Myen mung kata nga ai, ramma, wa ja, mungshawa ni hpe rim woi nga ai sha n-ga, hpyen masa mung shaja nga ding yang re ai hpe chye lu ai.