KSCU Dakkasu jawng ni a jan mau shagrau jawng yu hpawng galaw
Lahkawng lang na KSCU (Kachin State Comprehensive University) jawng ni a jan mau shagrau jawng yu hpawng hpe March shata 14 ya shani hkying 10:00am aten hta Alen Bum lahta tsang jawng kaw galaw la lu sai lam chye lu ai.
KSCU Dakkasu jawng a jan mau shagrau hpawng hta Du Kaba Sumlut Gun Maw (Ningbaw Malai) kaw nna, jan mau shagrau hkamla sai jawngma ni hpe shatsam mungga tsun ai rai nna, jan mau shagrau hkamla sai jawngma yawng marai 139 re ai hpe chye lu ai.
Shawng nnan lang na KSCU jan mau shagrau jawng yu hpawng hpe lai wa sai 2023 ning February shata 24 ya shani Laiza Muklum kata galaw la lu sai rai nna, dai shaning hta jan mau shagrau hkam la sai jawngma yawng marai 64 re hpe chye lu ai.
KSCU jawng hpe lai wa sai 2022 ning September shata 12 ya shani hta KIO, KIA uphkang ginra rai nga ai, Laiza Muklum kata hpaw hpang sharin sa wa ai re hpe matut chye lu ai.
