Sara Nammye Hkun Jaw Li hpe kadai wuhpung re nchye sinat hte sa gap sat
Jinghpaw Mung, Namti Lam Braw Yang kaw (Jan Ga) computer seng hpaw let nga ai, sara Nammye Hkun Jaw Li Asak (40) ning jan hpe March shata 18 ya shani hkying 11:00am aten daram hta kara wuhpung re nchye ai la marai (3) cycle hte sa wa nhtawm seng nta kaw sa gap sat kau da ai lam na chye lu ai.
Sara Nammye Hkun Jaw Li hpe hpa majaw gap sat ai, kadai wuhpung ni re ai mabyin lawng lam hpe lit nga ai salang ni kaw nna sagawn nga ai lam, buga masha ni tsun ai.
Gap hkra ai shara gaw, baw hte kan kaw rai nna, dai shara kaw gumshem Myen hpyen la ni mung sa du yu ai lam chye lu ai.
Sara Hkun Jaw Li gaw, Namti Lam Braw Yang (KBC) kaw magam gun lai wa sai rai nna, Amyusha lam hte Pat Jasan magam bungli hta myitsu myitrawt let, shakut shaja shang lawm daw jau gunhpai ai sara langai re hpe mung chye lu ai.
