Nam Ya Myen dap hpe KIA ni htim gasat nga

Hpakant Ginwang, Nam Ya gumshem Myen hpyen dap hpe KIA ni htim gasat nga ai lam chye lu ai.

April shata praw 9 ya jahpawt hkying 6:00am aten daram kaw na, Myitkyina, Hpakant lam, Nam Ya mare kaw dap jung nga ai gumshem Myen hpyen dap hpe KIA pawng hpawm hpyen hpung ni htim gasat nga ai lam, lit nga ai salang ni kaw na chye lu ai.

Gasat gala majan byin nga ai ten gumshem Myen hpyen dap nbungli bawm, laknak kaba ni hte gap bun ai lam ni nga ai hpe chye lu ai.

Gasat gala majan byin ai a majaw, mare masha ni shimlum ai shara ni hta hpyen koi yen hkawm nga ai sha n-ga, hkawm sa hkawm wa lam ni hpe mung pat tawn da ai lam chye lu ai.