Gumshem Myen hpyen dap ni dap jung shara jahkrat nga ai dap shara 6 hpe KIA ni padang dip
Manmaw, Nmawk hte Manje grup yin hta dap jung shara jahkrat nga ai, gumshem Myen hpyen dap shara 6 hpe KIA ni htim gasat padang dip la lu sai lam chye lu ai.
May shata praw 7 ya jahpawt hkying 5:00am aten daram kaw na, Manmaw, Nmawk hte Manje makau grup yin kaw dap jung shara jahkrat nga ai, gumshem Myen hpyen dap shara ni hpe KIA pawng hpawm hpyen hpung ni htim gasat hpang wa ai hta dap shara 6 hpe padang dip la lu sai lam, lit nga ai salang ni kaw na chye lu ai.
Dai hpawt hkyin 7:00am aten daram hta Sinhkan gumshem Myen hpyen dap, Manje Gawk Ngu Kawng, shani hkying 10:00am aten, Manje Myen Balik dap, shani ka-ang aten daram hta Sinhkan Tower Kawng, Nmawk kaw dap jung nga ai, gumshem Myen hpyen dap hte Nmawk Myen Balik dap ni hpe padang dip la lu sai lam chye lu ai.
Matut nna ngam nga ai gumshem Myen hpyen dap shara ni hpe htim gasat nga ding yang rai nna, lahkawng maga hpyen masa shaja hkat nga ding yang re hpe chye lu ai.
