KIA Dap Awn Daju, Madu Yesu hta yup pyaw mat

Wunpawng Mungdan Shanglawt Hpyen Dap, Dap Awn Daju, Lat Du Daju Jum, Rukhkyawng Hkawng Lum Madu Yesu hta yup pyaw mat wa sai lam chye lu ai.

Wunpawng Mungdan Shanglawt Hpung, Ginjaw Komiti Dinggrin Salang, Wunpawng Mungdap Shanglawt Hpyen Dap, Dap Awn Daju Lat Du Daju Jum, Rukhkyawng Hkawng Lum asak (61) ning gaw, May shata 13 ya shana de hkying 6:23pm aten hta Madu Yesu hta yup pyaw mat wa sai re.

KIA Dap Awn Daju Madu Yesu hta yup pyaw mat wa sai majaw, Wunpawng Mungdan Shanglawt Hpyen Dap, Dap Ba shagu kaw yawn hkyen ai masat masa hku nna, Amyu sha dawng hkawn ka-ang hkup shayu hkungga jaw ai lam galaw ai re hpe mung chye lu ai.

Dap Awn Daju, Lat Du Daju Jum, Rukhkyawng Hkawng Lum gaw, mungkan ga na machyi makaw ana ahkya a majaw, Madu Yesu hta yup pyaw mat wa sai rai nna, ngam nga ai hkum tsawp moi mang hpe May shata 16 ya shani makoi mayang akyu hpyi hpawng hpe galaw sa wa na re hpe chye lu ai.