(9) lang na Pre-College Janmau shagrau hpawng galaw

Mai Ja Yang kaw hpaw sharin nga ai, MIEd jawng a (9) lang na Pre-College janmau shagrau hpawng hpe galaw la lu sai lam chye lu ai.

Mai Ja Yang Institude Of Education (MIEd) jawng a (9) lang na Pre-College janmau shagrau hpawng hpe May shata 22 ya shani hkying 9:00am aten hta galaw la lu sai re.

Janmau shagrau hpawng hta MIEd Jawng Up Saranum Kaba, Lasang Htu Hkawng kaw nna jawng yu mungga jaw ai lam, jawng yu lekmat shagrau ai lam, ningtawn masat lu ai jawngma ni hpe shagrau sha-a ai lam ni galaw ai hpe chye lu ai.

Dai ni na janmau shagrau hpawng gaw, 2023-2024 ning hpaji ladaw hta Pre-College hpaji sharin hkamla ngut sai jawngma ni rai nna, jawngma yawng marai (297) janmau shagrau hkamla sai lam chye lu ai.