Share shagan ni hpe hkungga shagrau myit dum akyu hpyi hpawng galaw

Wunpawng Mungdan Shanglawt Asuya kaw nna, amyu hte mungdan a matu asak apnawng mat wa sai, share shagan ni hpe hkungga shagrau myit dum akyu hpyi hpawng galaw ai lam chye lu ai.

May shata 23 ya shani Wunpawng Mungdan Shanglawt Asuya, Dingda Ginwang Ginjaw, Padang Gawknu kaw amyu hte mungdan a matu asak apnawng mat wa sai, share shagan ni hpe hkungga shagrau myit dum akyu hpyi hpawng galaw ai lam, lit nga ai salang langai tsun ai.

Hpawng lamang hta asak apnawng mat wa sai share shagan ni hpe lup makoi mayang da ai, Dima share shagan kawng kaw magam gun myitrum ni hku nna, hpyen htung tara nga ai hte maren hkungga jaw ai lam hte myit dum akyu hpyi hpawng galaw ai re hpe chye lu ai.

Ya na zawn galaw ai lam gaw, Dingda Ginwang Ginjaw kata lai wa sai 2023 ning, October shata (19) ya shani kaw nna, dai ni du hkra gumshem Myen hpyen dap hpe htim gasat majan hta share shagan mat wa sai, KIA Masat (4, 6, 10) Dap Ba kata na share shagan ni hpe hkunga shagrau ai myit dum akyu hpyi hpawng re hpe chye lu ai.