Myo Kung tsi rung kaw gumshem Myen hpyen dap ni nbungli bawm jahkrat bun

Shwe Gu, Myo Kung tsi rung kaw gumshem Myen hpyen dap ni nbungli bawm wa jahkrat bun ai lam chye lu ai.

June shata praw 1 ya shana yup tung hkying 12:30am aten daram hta Shwe Gu, Myo Kung tsi rung kaw gumshem Myen hpyen dap ni Y12  nbungli hte bawm wa jahkrat bun ai lam, ginra masha ni kaw na chye lu ai.

Nbungli bawm wa jahkrat bun ai hta tsi rung kaw tsi tsi hkamla nga ai, asak 8 ning re ma langai asak si sum mat nna, tsi tsi hkamla nga ai machyi masha nkau hkala hkrum ai hte tsi rung mung hten za mat ai lam chye lu ai.

Ya aten dai ginra ni hta gasat gala majan byin ai lam nnga ai, hpyen shamu shamawt ai lam nnga ai raitim, gumshem Myen hpyen dap ni ndai zawn bawm wa jahkrat bun ai majaw, mungshawa ni hkrit tsang nna nga ra ai lam chye lu ai.