Waimaw ginra de gumshem Myen hpyen dap hpyen n-gun jat bang nga
Waimaw ginra de gumshem Myen hpyen dap ni kaw nna, hpyen n-gun jat bang nga ai lam chye lu ai.
June shata praw 3 ya shani kaw nna, Waimaw ginra kata naw ngam nga ai, gumshem Myen hpyen Hk.L.Y (58) dap de Myitkyina maga na gumshem Myen hpyen dap ni hpyen n-gun jat bang nga ding yang re lam, ginra masha ni kaw na chye lu ai.
Myitkyina maga na gumshem Myen hpyen dap ni hpyen modo hte shani shagu ngu na (58) dap de hpyen n-gun jat bang nga ai hta ya aten dai dap shara hta hpyen n-gun kade ram nga sai re hpe nchye lu ai nga nna ginra masha matut tsun ai.
Waimaw ginra kata dap jung nga ai gumshem Myen hpyen dap shara ni hpe KIA pawng hpawm hpyen hpung ni lai wa sai May shata kaw na numdaw kalang bai htim gasat wa ai hta gumshem Myen hpyen dap shara nkau hpe padang dip la lu sai hte ya aten du hkra lahkawng maga hpyen masa shaja hkat nga ding yang re hpe chye lu ai.
Matut nna, Nmawk hte Manje ginra ni hta mung, KIA hte gumshem Myen hpyen dap lapran hpyen masa shaja hkat nga ding yang rai nna, gasat gala majan matut bying nga ai re.
