Manje Muklum kata gumshem Myen hpyen dap ni nbungli bawm, Rocket hte bai wa gap

Manje Muklum kata gumshem Myen hpyen dap ni nbungli bawm, Rocket hte bai wa gap bun ai lam chye lu ai.

June shata praw 5 ya shani Manje Muklum kata gumshem Myen hpyen dap ni nbungli bawm, Rocket hte numdaw lahkawng lang kalang bai wa gap bun ai lam, ginra masha langai tsun ai.

Jahpawt maga kalang, dai na maga de kalang rai numdaw lahkawng lang wa gap bun ai, wa gap bun ai hta dum nta ni hten za mat ai lam nga ai raitim, mung mare masha ni hkala nba re lam gaw nnga ai lam, ginra masha matut tsun ai.

Manje hte Nmawk ginra ni hta ya aten du hkra KIA hte gumshem Myen hpyen dap lapran hpyen masa shaja hkat nga ding yang rai nna, gasat gala majan matut byin nga ai hta mungshawa ni mung shim lum ai shara ni hta hpyen koi yen hkawm nga ra ai re.