Nmawk, Manje ginra hte ni kahtep ai mare hkan na jawngma law malawng jawng lung na matut yakhkak nga

Nmawk, Manje ginra hte ni kahtep nga ai mare hkan na jawngma ni law malawng jawng lung na matut yakhkak nga ai lam chye lu ai.

Nmawk, Manje ginra ni hta KIA hte gumshem Myen hpyen dap lapran gasat gala majan laja lana matut byin nga ai majaw, dai ginra hte ni kahtep nga ai mare hkan na mungshawa ni hpyen koi yen hkawm nga ai rai nna, jawngma law malawng jawng lung na matu yakhkak nga ai lam, ginra masha ni kaw na chye lu ai.

Jawng hpaw na aten du wa ai hta KIO uphkang ginra hte gumshem Myen hpyen dap uphkang ginra ni hta June shata kaw na jawngma mying hkapla nga sai hte jawng ni hpe hpaw hpang wa sai raitim, Nmawk, Manje ginra hte ni kahtep nga ai mare hkan na jawngma law malawng, jawng lung na matu yakhkak nga ai hpe chye lu ai.

Ya aten du hkra Nmawk, Manje ginra ni hta KIA hte gumshem Myen hpyen dap lapran gasat gala majan matut manoi byin nga ai rai nna, gumshem Myen hpyen dap ni nbungli bawm, laknak kaba ni hte ding yang gap bun nga ai majaw, dai ginra hkan na mungshawa ni hpyen matut yen nga ra ai hpe chye lu ai.

Dai ginra ni hta KIA hte gumshem Myen hpyen dap lapran gasat gala majan laja nga ai hta jawng ni hpe nhpaw lu shi ai majaw, ya na zawn yakhkak hkrum nga ai re hpe matut chye lu ai.