Myitkyina Muklum kata VPN jep ai lam gumshem Myen hpyen dap ni galaw nga
Myitkyina Muklum kata gumshem Myen hpyen dap ni VPN jep nna gumhpraw shawa sha ai lam galaw nga ai hpe chye lu ai.
June shata 10 jan kaw nna, Myitkyina Muklum kata gumshem Myen balik dap ni laiwa laisa mungshawa ni a phone la nna, VPN rawng ai munshawa ni hpe gumhpraw shawa sha ai lam, galaw nga ai hpe ginra masha ni kaw na chye lu ai.
Gumshem Myen balik dap ni gaw shara mi kaw sha jep ai nre ai sha shara htawt sit nna shanhte kam ai kaw jep nga ai hta VPN rawng nrawng, Wechat hte hpyen masa, mung masa hte seng ai lawm nlawm ni hpe jep ai lam chye lu ai.
Laiwa sai aten ni hta Myitkyina Muklum kata modo, cycle ni hpe sha jep ai lam galaw ai hta ya aten VPN hte Wechat lang ai mungshawa ni hpe mung jep nna, gumhpraw shawa sha ai lam, ntsen nhten ai masha hpe htawng rim bang ai lam ni galaw nga ai hpe chye lu ai.
Gumshem Myen hpyen dap ni VPN pat kau ya ai hte jep ai lam ni galaw nga ai majaw, mungshawa ni Online ntsa hku na laika hpaji hka ja sharin ai lam hte VPN a majaw lam amyu myu hku na yakhkak nga ai hpe chye lu ai.
