Da bat tsang shi san poi awng jahpan shale
KIO Ginjaw Hpaji Dap a 2024 ning da bat tsang shi san poi awng jahpan hpe July shata praw 8 ya jahpawt hkying 6:00am aten hta shale sai lam chye lu ai.
Da bat san poi hpe lai wa sai June shata praw 5 ya shani kaw nna, jawngma yawng marai 1000 mi jan htai ai hta na marai 782 htai awng la lu sai re hpe chye lu ai.
2023-2024 ning hpaji ladaw hta tsang shi san poi htai ai jawngma yawng marai 3126 nga ai hta na, marai 1893 htai awng la lu sai rai nna, hkrat ai jawngma ni hpe tinang hkrat ai gin hpan ni kalang mi bai da bat htai shangun ai lam re.
Ya na zawn Ginjaw Hpaji Dap kaw nna da bat san poi hpe bai htai shangun ai lam gaw, du wa na hpaji ladaw ni hta tsang 11, 12 ngu ai madang de, sharin ai ladat ni hpe jashai sa wa na re majaw, bai htai shangun ai re hpe chye lu ai.
