KSCU Dakkasu jawng shawk shawn form hkapla sa wa na

Kachin State Comprehensive University (KSCU) Dakkasu jawng shawk shawn form hpe hkapla sa wa sana re lam chye lu ai.

KCCS Dakkasu jawng hta hpaji sharin hkapla mayu ai jawngma ni, 2025 ning hpaji ladaw a shawk shawn form hpe July shata 15 ya shani kawn hkapla sa wa sana re lam, KSCU ndau da ai re.

Ndai jawng hta sharin sa wa na ginhpan ni gaw, School of Medical Sciences, School of Nursing Sciences, School of Technology, School of Economics, School of Agriculture and School of Arts and Sciences ni re hpe chye lu ai.

Shawk shawn mai ai jawngma ni gaw, lai wa sai 2020 a shawng daw Myen mung Dakkasu jawng shang san poi awng tawn ai ni, Wunpawng Mungdan Shanglawt Asuya a tsang (10) san poi awng tawn ai ni, Basic Education ngut da sai ni hte mundan langai ngai kaw na masat da ai lahta tsang hpaji ngut da sai ni shawk shawn mai ai re lam chye lu ai.

Jawng shawk shawn form ni hpe KSCU jawngma rung shing nrai, KSCU a facebook page hte kscu2024@gmail.com ni hta matut mahkai wa mai ai lam chye lu ai.