Tayang Zup Myen dap shara 3 hpe KIA ni zing

KIA Masat (1) Dap Ba ginra dap jung shara jahkrat nga ai, Tayang Zup gumshem Myen hpyen dap, dap shara 3 hpe KIA ni htim gasat zing la lu sai lam chye lu ai.

Myitkyina, Sumpra Bum lam ntsa dap jung nga ai, Tayang Zup gumshem Myen hpyen dap, dap shara 3 hpe KIA pawng hpawm hpyen hpung ni August shata praw 2 ya jahpawt hkying 9:00am aten daram hta zing madu la lu sai lam, lit nga ai salang langai tsun ai.

Tayang Zup gumshem Myen hpyen dap, dap shara 3 hpe KIA pawng hpawm hpyen hpung ni, August shata praw 1 ya shani kawn htim gasat hpang wa ai hta dai hpawt daw zing madu la lu sai re lam chye lu ai.

Waimaw gumshem Myen hpyen Hk.L.Y (58) dap ni, dap jung shara jahkrat nga ai hpyen dap rai nhtawm, Tayang Zup mare hta nta htimggaw 200 daram nga ai rai nna, mungshawa marai 1000 daram nga ai re hpe matut chye lu ai.