Kuthkai Muklum kata gumshem Myen hpyen dap nbungli bawm wa jahkrat
Kuthkai Muklum kata gumshem Myen hpyen dap ni nbungli bawm wa jahkrat bun ai lam chye lu ai.
August shata praw 5 ya shana maga hkying 3:00pm aten daram hta Kuthkai Muklum mungshawa gat kaw, gumshem Myen hpyen dap ni nbungli bawm wa jahkrat bun ai lam, ginra masha ni kaw na chye lu ai.
Gumshem Myen hpyen dap ni nbungli bawm wa jahkrat bun ai majaw, Kuthkai mungshawa gat wan hkru hten za mat ai rai nna, laiwa laisa mungshawa nkau asak si sum, hkra hkala ai lam nga ai re hpe chye lu ai.
Mungmyit Sinli ginra ni hta laknak lang rawt malan hpung ni gasat zing madu la sai shara ni hta gasat gala majan nbyin ai sha, gumshem Myen hpyen dap ni ndai laman nbungli bawm jahkring hkring wa jahkrat bun ai lam ni galaw nga ai re hpe chye lu ai.
Matut nna ya aten gumshem Myen hpyen dap ni gaw, Jinghpaw mung hte Sam mung ginra ni hta hpyen masa lam amyu myu hta sum machyi nga sai re majaw, nbungli hpe madung dat let mungshawa ni law malawng nga ai shara ni hta bawm jahkrat bun ai lam ni ding yang ngu na galaw nga ai re hpe chye lu ai.
