Laiza, Manmaw lam ntsa nga ai mare kahtawng hkan na mungshawa ni hpe tsi gawn lajang ya ai lam galaw nga

Wunpawng Mungdan Ginjaw Hkamja Dap kaw nna, Laiza hte Manmaw lam ntsa nga ai mare, kahtawn hkan na mungshawa ni hpe tsi gawn lajang ya ai lam galaw nga ai hpe chye lu ai.

Laiza, Manmaw lam ntsa nga ai, Daw Hpum Yang, Numlang, Kung Law, Myo Tit hte makau grup yin hkan na mare, kahtawng mung masha ni, Manmaw, Nmawk hkan na hpyen koi yen wa ai mungshawa ni hpe Ginjaw Hkamja Dap kaw nna, tsi gawn lajang ya ai lam galaw nga ai hpe, tsi magam gun langai tsun ai.

Mung mare masha ni ngwi pyaw hkam kaja ai hte nga lu na matu yaw shada let, shata mi hta nlaw htum kalang, mungshawa ni nga ai mare kahtawng de sa du kawan nna, tsi gawn lajang ya ai lam ni galaw nga ai nga nna, magam gun wa matut tsun ai.

Matut nna ndai ginra ni hta tsi rung, tsi jaw gawk ni hpe hpaw sa wa na masing nga ai raitim, gumshem Myen hpyen dap ni gaw nbungli hte tsi rung, tsi jaw gawk ni hpe gap masat tawn nna, gap jahten ai lam ni galaw nga ai majaw, nlu hpaw shi ai re lam chye lu ai.