Manmaw gumshem Myen hpyen dap ni mungshawa ni hpe rim woi mat

Manmaw Muklum kata gumshem Myen hpyen dap ni mungshawa ni hpe rim woi mat ai lam chye lu ai.

August shata 13 ya shana daw hkying 2:00 pm aten daram hta Manmaw Deng (3) kaw na mungshawa la wa ngan marai 20 hpe gumshem Myen hpyen dap ni rim woi mat wa ai lam, ginra masha langai tsun ai.

Jinghpaw, Myen, Sam nnga mu ai mungshawa yawng hpe rim ai, Shanglawt ni hte matut mahkai ai ngu na mungshawa ni hpe mara kata rim woi mat wa ai re, gara hpyen dap de woi mat wa ai re hpe gaw nchye lu shi ai nga nna, ginra masha matut tsun ai.

Laiwa sai January shata 24 ya shani hta mung, Manmaw Muklum kata gumshem Myen hpyen dap ni mungshawa ni hpe rim woi mat ai lam ni byin lai wa sai re.