Nmawk gumshem Myen hpyen dap hpe KIA, pawng hpawm hpyen hpung ni gasat zing
Nmawk Muklum kaw dap jung shara jahkrat nga ai, gumshem Myen hpyen dap Hk.M.Y (437) dap hpe, August shata 19 ya shana maga hkying 3:40pm aten daram hta gasat padang dip zing la lu sai lam chye lu ai.
Nmawk maga de hpyen garum lung wa ai gumshem Myen hpyen dap modo (5) hte hpri gang tank modo hpung ni hpe mung, August shata 19 ya jahpawt mile 6 hte mile 7 lapran kaw KIA pawng hpawm hpyen hpung ni hkap gap gasat ai hta modo (4) wan hkru mat nhtawm, tank modo mung nbungli bawm hkra nna hkru mat ai lam, shawng lam shiga lawk kaw na chye lu ai.
Nmawk Myen hpyen dap gaw, Manmaw Muklum hpe makawp ya ai hpyen dap rai nna, ndai dap hpe nhkrat na matu, Myen hpyen dap ni laknak kaba hpan hkum, nbungli ni hte ninghkap gasat nga ai hpyen dap kaba langai re.
Ndai Nmawk Myen hpyen dap hpe lai wa sai July shata 24 ya shani kaw nna, numdaw lahkawng lang ngu na KIA pawng hpawm hpyen hpung ni bai htim gasat ai ninghtoi 27 ya shani hta zep zi padang dip gasat zing la lu hpe chye lu ai.
