Kawng Ja Yang Myen dap hpe KIA ni zing

KIA Masat (3) Dap Ba ginra, Kawng Ja Yang gumshem Myen hpyen dap hpe KIA ni zing madu la lu sai lam chye lu ai.

Manmaw kawn Manje de sa wa ai lam, Kawng Ja Yang kaw dap jung nga ai, gumshem Myen hpyen dap hpe KIA pawng hpawm hpyen hpung ni August shata 20 ya shana maga, zing madu la lu sai lam, lit nga ai salang langai tsun ai.

Kawng Ja Yang gumshem Myen hpyen dap gaw, Manje Hk.M.Y (319), Hk.M.Y (601) a makawp dap rai nna, KIA pawng hpawm hpyen hpung ni htim gasat ai hpang Manje dap de hprawng shang mat ai re lam chye lu ai.

August shata 19 ya shani hta mung, Nmawk gumshem Myen hpyen Hk.M.Y (437) dap hpe KIA pawng hpawm hpyen hpung ni padang dip la ngut ai hpang, Kawng Ja Yang gumshem Myen hpyen dap hpe matut zing la lu ai re lam chye lu ai.