Nmawk, Manje ginra gasat gala majan matut byin nga
Nmawk, Manje ginra makau grup yin hta KIA hte gumshem Myen hpyen dap ni gasat gala majan matut byin nga ai lam chye lu ai.
August shata 26 ya shani Manmaw kawn, Nmawk de hpyen n-gun htu shadut nga ai, gumshem Myen hpyen dap hte KIA pawng hpawm hpyen hpung ni Deng (6, 7) lapran hta gasat gala majan matut byin nga ai lam, lit nga ai salang ni kaw na chye lu ai.
Matut nna Manje de htu shadut nga ai gumshem Myen hpyen dap hte mung, KIA pawng hpawm hpyen hpung ni Kawng Ja Yang makau grup yin kaw August shata 25 ya shani kaw nna, gasat gala majan byin nga ai lam chye lu ai.
Laiwa sai August shata 24 ya shani kaw nna, Manmaw kaw dap jung nga ai, gumshem Myen hpyen dap ni Nmawk, Manje maga de hpyen n-gun htu shadut nga ai majaw, shani shagu ngu na gasat gala majan byin nga ai re hpe chye lu ai.
