Seng Tawng hpyen yen mungshawa ni garum ningtum ra ahkyak nga

Hpakant Seng Tawng ginra na hpyen yen mungshawa ni garum ningtum ra ahkyak nga ai lam chye lu ai.

September shata praw 7 ya shani kaw nna, KIA hte gumshem Myen hpyen dap lapran hpyen masa shaja hkat nga ai majaw, Seng Tawng mare na hpyen yen mungshawa marai 4000 daram, hpyen koi yen nga ai hta malu masha, lang rung lang rai hte lu hka ni ra ahkyak nga ai lam, ginra masha ni kaw na chye lu ai.

Dai hpyen yen mungshawa ni gaw ya aten nawku jawng wang, hpungkyi jawng shara ni hkan hpyen koi yen nga ai hta nkau mungshawa ni nlu hprawng yen ai rai nna mare kata naw chyat rawng nga ai lam chye lu ai.

Ya aten Hpakant ginra hta KIA hte gumshem Myen hpyen dap lapran hpyen masa shaja hkat nga ding yang re majaw, gasat gala majan mung matut naw byin wa mai ai lam chye lu ai.