Lashio Muklum kata gumshem Myen hpyen dap ni nbungli bawm matut jahkrat bun

Lashio Muklum kata gumshem Myen hpyen dap ni nbungli bawm matut wa jahkrat bun ai lam chye lu ai.

September shata 29 ya shana yup tung hkying 12:34pm aten daram hta gasat gala majan byin ai lam nnga ai sha, Lashio Muklum kata gumshem Myen hpyen dap ni nbungli bawm 3 lang bai wa jahkrat bun ai lam, ginra masha ni kaw na chye lu ai.

Nbungli bawm wa jahkrat bun ai hta Lashio Muklum lawk 8 hte lawk 11 kaw wa hkrat kapaw ai rai nna, dum nta ni hten za mat ai hte mungshawa marai kade si, hkala hkrum ai hpe nchye lu shi ai re.

September shata hta Lashio Muklum kata gumshem Myen hpyen dap ni nbungli hte bawm wa jahkrat bun ai, ndai lang hte rai yang numdaw (9) lang rai sai rai nna, mungshawa asak si sum hkala hkrum ai hte dum nta ni mung hten za hkrum nga ai lam chye lu ai.