Saw Law Myen dap hpe KIA zing
KIA Masat (7) Dap Ba, Masat (46) Dap Dung ginra, Saw Law gumshem Myen hpyen dap hpe KIA ni zing madu la lu sai lam chye lu ai.
October shata praw 2 ya jahpawt hkying 7:20am aten daram hta Saw Law kaw dap jung nga ai, gumshem Myen hpyen dap hte makau grup yin hta dap jung nga ai, Myen P.T.Ts dap yawng hpe KIA pawng hpawm hpyen hpung ni zing madu la lu sai lam, lit nga ai salang langai tsun ai.
Ndai gumshem Myen hpyen dap hpe laiwa sai September shata 29 ya shani kaw nna, htim gasat wa ai hta dai ni October shata praw 2 ya jahpawt atsai sha padang dip la lu sai re lam chye lu ai.
Laiwa sai September shata 29 ya shani kaw nna, KIA pawng hpawm hpyen hpung ni, Chihpwi ginra kata htim gasat majan hpang wa ai hta mali ya na ai hpang Chihpwi, Saw Law hte Shangaw ginra kata na gumshem Myen hpyen dap yawng hpe padang dip zing kau lu sai lam matut chye lu ai.
