Nmawk ginra gasat gala majan matut byin nga

KIA Masat (3) Dap Ba, Manmaw Nmawk ginra hta KIA hte gumshem Myen hpyen dap ni gasat gala majan matut byin nga ai lam chye lu ai.

October shata praw 6 ya jahpawt hkying 5:00am aten kawn,  Deng (7) Awng Mye mare mayan kaw shara la nga ai, gumshem Myen hpyen dap hpe KIA pawng hpawm hpyen hpung ni htim gasat ai kaw nna, laja lana gasat gala majan bai byin wa ai lam, lit nga ai salang ni kaw na chye lu ai.

Gasat gala majan byin nga ai ten gumshem Myen hpyen dap ni Jet nbungli hte bawm (2) lang wa jahkrat bun ai sha n-ga, Drone bawm ni hte mung gap gasat ai lam chye lu ai.

Ya aten Nmawk hte Hpakant ginra ni hta KIA hte gumshem Myen hpyen dap lapran hpyen masa shaja hkrat nga ding yang rai nna, gasat gala majan mung matut byin nga ai lam chye lu ai.