Jarit gate pat ai majaw kumshu hpe hpaga galaw ai mungshawa ni yakhkak nga

Mungdan jarit gate ni pat tawn da ai majaw, kumshu hpe hpaga galaw sha nga ai mungshawa ni kumshu nlu dan dut ai majaw, yakhkak hkrum nga ai lam chye lu ai.

Sinpraw Ginwang Ginjaw ginra kata na mungshawa ni kumshu hpe hpaga hku na galaw sha nga ai hta ya aten mungdan jarit gate ni pat tawn da ai majaw, kumshu dan ten raitim nlu dan dut ai sha yakhkak hkrum nga ai lam, ginra masha ni kaw na chye lu ai.

Laiwa sai shaning ni hta ya aten kumshu dan ten rai sai raitim, dai ning gaw nlu dan dut nga ai rai nna, kumshu dan ten hta nlu dan dut ai rai yang kumshu ni hten mat nna nlu dut sha mat ai sha n-ga, nhtang de sum machyi wa ai masa re hpe chye lu ai.

Sinpraw Ginwang Ginjaw ginra kata nga ai mungshawa ni gaw, kumshu hpe madung hpaga hku na galaw sha nga ai rai nna, jarit gate ni galoi ten du hkra pat tawn da na nchye ai sha n-ga, kumshu ni hpe bai nlu dan dun mat ai rai yang, mungshawa ni grai sum machyi wa na masa re lam chye lu ai.