Kung Law mare kaw nbungli bawm jahkrat bun ai majaw hpyen yen mungshawa asak si sum

Myo Tit, Kung Law mare kaw gumshem Myen hpyen dap ni nbungli bawm wa jahkrat bun ai majaw, hpyen yen mungshawa law law asak si sum ai lam chye lu ai.

November shata 15 ya shana daw hkying 4:00pm aten daram hta Kung Law mare, hpyen yen mungshawa ni shanu nga ai nawku jawng wang kaw, gumshem Myen hpyen dap ni nbungli hte wa gap gasat ai majaw, mungshawa law law asak si sum hkala hkrum ai lam, ginra masha ni kaw na chye lu ai.

Ndai hpyen yen mungshawa ni gaw, Nmawk kaw na hpyen yen wa ai mungshawa ni rai nna, gumshem Myen hpyen dap kawn da sang wa gap gasat bun ai re lam chye lu ai.

Kung Law mare hta gasat gala majan byin ai lam nnga ai kaw, gumshem Myen hpyen dap ni nbungli bawm wa jahkrat bun ai hta mungshawa marai gade asak si sum, gade hkala hkrum ai hpe tup hkrak nchye lu shi ai re.