Manwing hpyen yen mungshawa ni nga shara, malu masha yakhkak nga

Manwing kaw hpyen koi yen nga ai mungshawa ni, nga shara, malu masha hte hpun nba ni yakhkak nga ai lam chye lu ai.

Laiwa sai December shata kaw nna, gasat gala majan a majaw, Manwing kaw hpyen koi yen nga ai mungshawa ni, malu masha, di mala hka wan, lum hpun palawng, hpun nba hte nga shara ni yakhkak nga ai lam, camp lit nga ai salang langai tsun ai.

Hpyen koi yen nga ai mungshawa ni gaw Manmaw, Manje hte Nmawk ginra hkan na mungshawa ni rai nna, ya aten garum ningtum nlu ai hta hpyen yen camp hkan mung, nga shara nnga mat ai majaw yakhkak nga ai rai nna, Mung Hkawng hpyen yen camp na hpyen yen mungshawa ni mung, garum ningtum nlu ai majaw yakhkak nga ai lam chye lu ai.

Manwing kaw laiwa sai 2011 ning kaw nna ya aten du hkra, hpyen koi yen nga ai mungshawa yawng, KBC camp kaw htinggaw (325), RC camp kaw htinggaw (483) nga ai lam chye lu ai.