Nnang nawn kaba nawn ai majaw, dum nta hten za ai hte mungshawa hkra hkala law

Nnang nawn kaba nawn wa ai majaw, dum nta law law hten za mat ai hte mungshawa law law hkra hkala sawng nga ai lam chye lu ai.

March shata 28 ya shani hkying 12:58pm aten daram hta Mandalay, Nay Pyi Daw, Sagaing, Jinghpaw mung shara nkau, Miwa mung shara nkau hte Thailand ginra ni hta nnang nawn kaba nawn wa ai majaw, dum nta law law hten za mat nna, mungshawa law law si hkala hkrum nga ai lam sagawn chye lu ai.

Myen mung kata Mandalay, Sagaing hte Thailand ginra ni hta grau sawng ai rai nna, dum nta law law hten za mat ai lam, mungshawa law law si hkala hkrum ai lam, mahkrai kaba hte lam kaba ni hten za mat ai sha n-ga, mungshawa law law mung, nta kata hkan naw chyat rawng nga ai hpe chye lu ai.

Ndai nnang nawn kaba gaw n-gun (7.7) madang rai nna, shawoi shaning hkan na hta grau n-gun kaba ai nnang nawn re ai hpe mung matut chye lu ai.