Kamai mare kaw jahkring hkrum ai Wunpawng Amyu Sha Zinlum Hpung ni hpyen yen ni hpe sa lu garum sai
Kamai mare kaw jahkring da hkrum ai Hpankant Wunpawng Amyu Sha Zinlum Hpung ni gaw, August 20 ya shana hkying 9:30pm aten hta Namti Lambraw Yang kaw du nna, Kasung hte Zupmai mare na hpyen yen mungshawa ni hpe sa du garum lu sai rai nna, August 21 ya shani gaw, Hpakant de bai lung wa na re lam, Wunpawng Amyu Sha Zinlum Hpung a Amu Madu Salang Dashi Naw Lawn tsun ai kawn chye lu ai.
August 17 ya shani Kamai makau pawnghpawm gate kaw sin ai Dapnu ( 101 ) na hpyenla ni, Wunpawng Amyu Sha Zinlum Hpung ni jawn yu wa ai modo 8 hta without 4 lawm ai majaw, Kamai balik dap de ap da hkrum ai re.
August 19 ya shani gaw, Balik ni kawn salang Wanghte Yaw Htung, salang Labang Shing Rip yan hte modo sara nkau hpe rim da ai, saranum Kai Ring hpe mung adup malap kau ai manghkang byin ai lam nga ai.
August 20 ya shani gaw Myitkyina kawn sa wa ai, WMR, PCG, KBC, MCC, Shalom Htoi Gender hte Myitkyina Myu Sha Zinlum Hpung na myit su salang ni sa nna, masha hpe gaw pahkam hte shaw la sai, without modo 4 hte hpyen yen ni hpe garum na, arung arai hte hpawn gaw, Balik dap kaw ap kau da ai, modo hte seng nna gaw ျပည္နယ္ ရုံး Myitkyina Tara kasa ni lit la nna galaw wa na re lam, salang Dashi Naw Lawn tsun ai.
Wunpawng Amyu Sha Zinlum Hpung ni kaw na mung, မတရား ဖန္းစီမႈ hte Kanu num langai hpe adup malap kau ai hte seng nna, Myen hpyen du 3 hte Balik du hpe tara jawat na re lam, Myitkyina kaw Shiga sanglang hpawng mung galaw na re lam, nhtoi gaw galoi rai na n masat shi ai lam, salang wa matut tsun ai kawn chye lu ai.
