Indaw ginra Myen hpyen dap ni nbungli hte gap gasat

Indaw ginra hta gumshem Myen hpyen dap ni nbungli hte wa gap gasat ai lam chye lu ai.

April shata praw 7 ya shani hkying 2:10pm aten laman, MDY kawn rawt lung wa ai gumshem Myen hpyen dap Y-12 nbungli hte bawm (43) lang wa jahkrat bun ai lam, lit nga ai salang ni kaw na chye lu ai.

Indaw ginra hta ya aten gasat gala majan byin ai lam nnga ai raitim, gumshem Myen hpyen dap ni nbungli hte bawm wa jahkrat gap gasat ai re hpe chye lu ai.

Gumshem Myen hpyen dap kawn, March shata 28 ya shani na nnang nawn kaba a majaw, April shata praw 2 ya shani gap hkat jahkring na matu, ndau laika shapraw da ai raitim, nbungli ni hte gap gasat ai lam ding yang ngu na galaw nga ai hpe chye lu ai.