Lawa ginra gasat gala majan laja nga

KIA Masat (2) Dap Ba ginra, Danai Ledo lam Lawa mare grup yin kaw gasat gala majan laja nga ai lam chye lu ai.

April shata 15 shani hta mung, Lawa mare hte Hkum Tsai Yang mare grup yin kaw, KIA pawng hpawm hpyen hpung ni hte gumshem Myen hpyen dap, Min Zay Thant P.T.Ts pawng hpawm hpyen hpung ni gasat gala majan laja lana matut byin nga ai lam, lit nga ai salang ni kaw na chye lu ai.

Gasat gala majan matut byin nga ai hta gumshem Myen hpyen dap kawn, nbungli hte gap gasat ai lam ding yang galaw nga ai hpe chye lu ai.

Danai Ledo lam grup yin hta laiwa sai March shata htum wa maga kaw nna, KIA ni hte gumshem Myen hpyen dap, P.T.Ts pawng hpawm hpyen hpung ni shani shagu ngu na gasat gala majan byin nga ai re.